Ti Prens mwen an ! Mwen vin konprann, poukisa ou te toujou ap reflechi, tèt ou lwen ou pa konn ki kote, yon tristès toujou ap fè yon lago kache avè ou. Pandan lontan, sèl distraksyon ou, se te gade jan sa bèl lè solèy ap kouche poutèt sa te lage yon jwa andedan ou, […]
Nou te abite avèk grann nou ak tonton nou pa dèyè Magazen an (yo te toujou site non magazen an kòmsi l te batize ak yon M majiskil). Sa te fè plis pase vennsenkan depi grann mwen te ouvri Magazen sa a. Nan kòmansman syèk la, Mama (lontan pa t pase anvan n te sispann […]
an n ale vit tanpri n’a tire kont n’a jwe marèl ak flè dizè pou n kabre lajounen n a fè lago ak mouche loray n’a lanbe rèv n’a peze kafe n’a plante pwadchous n’a dòmi reve je klè nou prale byen lwen dèyè yon touf powèm rak bwa tankou de moun fou pou n […]
Tè Nan Kas la pou tout moun. Sa k vle gen dwa koupe on moso pou l fè jaden. Men, fò l bare l. Bèt, chwal, milèt, bourik ki lage gen plis dwa pase kretyen vivan. Nanpwen lalwa ki pwoteje kiltivatè. Se bon lantouray ki pou sove ou. Lò m fin koupe moso tè kote […]
Poko fòse zwazo Bwè dlo Nan pla men ou Ak zèl yo mare Pa kite van bwote Papye kap yo Chak papye kreyòl Se yon kap Ki pral poze Nan gran lakou Sou yon pye zanmann Kap papye Ale ale M a bwè dlo Ale ale Sezon va vin vèt Ale ale Bèl kap […]
Se vag lanmè k ap bwote n ale kouran larivyè k ap trennen nou se van nòde k ap soufle nan vwal nou pou mennen n lakay nou se klewon zetwal k ap di Men nou ! n ap vini ! ak limyè sou tèt nou ak melon ak zaboka ak grenn mayi nan malèt […]
– Cheri, Yoyo, Bibich, Fafou, Kòkòt […] Si gen yon bagay m pa janm rive kontwole se tout tinon jwèt, tinon serye, tinon sikonstans manman m ban mwen. Lè m te gen dizan, m te sèl pwopriyetè yon bon douzèn tinon. Toutan m ap grandi, toutan manman m ap envante, koupe, kole tinon sou do […]
Ak ki men pou n pliye dlo je Apre lapli lò matisan vomi sou po dyòl Boulva abiye rèv nou nan ma labou Ak ki men pou n file yon zegwi pou egzante malè koud yon bèl wòb sou desten Aprè yon loray majiskil fin tire wòch sou do tòl Ak ki pla […]
